Inouye, Jukichi (1910) [digitized July 2021]. «11». Home Life in Tokyo (English). «Ճապոնական տներում, ինչպես արդեն ասվել է, բացառապես քնելու համար առանձնացված սենյակներ չկան։ Անկողինը կարելի է դնել գորգերի վրա ցանկացած վայրում։ Մահճակալը բաղկացած է բամբակից կամ մետաքսից պատրաստված մեկ կամ երկու հաստ ներքնակից, որոնք սովորաբար 1 մետր լայնություն և մոտ 2 մետր երկարություն ունեն, այսինքն՝ գրեթե գորգի չափ։ Դրանք դրվում են գորգերի վրա և վրան ձմեռային կիմոնոյի ձևի մի մեծ, հաստ ծածկոց է դրվում՝ բաց թևքերով վերմակ, որը մոտավորապես նույն երկարության է, ինչ մահճակալը, բայց ավելի լայն։ Երկուսն էլ մետաքսից են կամ բամբակից, պատկերազարդ կամ գծավոր, մուգ-կապույտ գույնի աստառներով։ Դրանք ունեն սև թավշյա ժապավեն, որին քնածի դեմքն է դիպչում։ Երկուսն էլ օգտագործվում են ձմռանը, իսկ գարնանը և աշնանը միայն դրանցից մեկն է օգտագործվում, սովորաբար կիմոնոյի նման ծածկոցը։ Ամառվա կեսին, երբ շատ շոգ է, այն փոխարինվում է սովորական կիմոնոյով կամ բարակ վերմակով։ Տղամարդկանց համար նախատեսված բարձը թեփով լցված երկար կլոր ամրան է, իսկ կանայք, որոնց սանրվածքը կփչանար նման բարձի պատճառով, օգտագործում էին մոտ 5 սմ տրամագծով թեփով լցված հարմարանք, որը փաթաթված էր թղթի մեջ և կապված էր փայտե հենարանի վրա։ Սկզբում շատ անհարմար է, թեև կանանց մեծ մասը հետագայում սովոր է դրան։ Քանի որ թեփով հարմարանքը շուտով կոշտանում էր, ականջի մաշկը հաճախ դառնում էր կարմիր և կոպիտ, եթե մարդ ամբողջ գիշեր քնում էր նույն կողմի վրա։ Չնայած մահճակալները կարող էին փռված լինել ամենուր, սակայն դրանց տեղերը միշտ կարծես ամրագրված էր ընտանիքի անդամների համար։ Տան տերն ու տիրուհին քնում էին սրահում կամ մեկ այլ մեծ սենյակում՝ կրտսեր երեխաների հետ, յուրաքանչյուր ծնողի հետ քնում էր կրտսեր երեխաներից մեկը։ Մնացած երեխաները ընտանիքի մյուս անդամի հետ քնում էին կամ նույն սենյակում, կամ մեկ այլ սենյակում, եթե նրանք բավականին մեծ են։ Հյուրասենյակը սովորաբր ազատ էր մնում։ Աղախինները քնում են խոհանոցին կից սենյակում, իսկ տան ծառան՝ շքամուտքում։ Կարևոր է հնարավորինս խմբավորել քննող մարդկաանց, քանի որ ամռանը, երբ մոծակները դուրս են գալիս, սենյակի չորս անկյուններին ամրացված թելերով ցանցեր են կախված մահճակալների վրա, և այդ ցանցերը ամեն անգամ չքանդելու համար մահճակալները դնում են այնտեղ, որտեղ այդ ցանցերն են քաշված։»{{cite book}}: CS1 սպաս․ չճանաչված լեզու (link)
