Analysis of information sources in references of the Wikipedia article "Escaronha" in Italian language version.
[...]
Qui comte vol apendre
En apre conquis mais,
per qu'en dei esser gais,
ma dona N'Escaruenha,
la gensor de Gascuenha.
Bona domna, tan vos ay fin coratge
non puesc mudar no.us cosselh vostre be,
e dic vos be que faytz gran vilanatge
car sel home c'anc tan non amet re
layssatz morir e no sabetz per que,
pero, si mor, vostre er lo dampnatge
c'autra domna mas vos a grat no.l ve
ni en luy non a poder ni senhoratge.
Na donzela, be.m deu esser salvatge
can el gaba ni se vana de me,
tant a son cor fol e leu e volatge
que m'amistat en lunha re no.s te,
per que m'amors no.l tanh ni no.l cove,
e pus el eys s'a enques lo folatge
no m'en reptetz si la foldat l'en ve,
q'aysi o aug dir que dretz es onratge.
[...]
