ჯორჯაძე / ფეოდალური საგვარეულო საქართველოში. „ესენი არიან ძველად გვართაგან ჯორჯიკ ვაშატიელის შვილთაგან შთამამავლობათაგანი, რომელნიც რანის ადგილიდგან გარდმოსახლდნენ ახალციხეს წელსა ქრისტეს აქეთ 980-სა და მერე დროსა მეფისა გიორგისასა წელსა ქრისტეს აქეთ 1466 გარდმოსახლებულ იქმნენ კახეთს გრემისა იწოდნენ საგინაშვილად თავადად მეფეთაგან და არიან ორად: 1) სომხითსა შინა მოსახლენი, 2) კახეთსა შინა“. კახელი თავადები. ჯორჯაძეები იყვნენ შაქრიანისა და ენისელის მოურავები.
ჯორჯაძე / 1722 წელს რუსთავის სადროშოში შემავალ თავადაზნაურთა და ადგილთა ნუსხაში მოცემულია: „ენისელთა მოურავის სახლნი, ჯორჯაძენი, ენისელთ და ყმით“. 1662 წელს თეიმურაზ მეფემ იესე ჯორჯაძეს განუახლა სახლთუხუცესობა და უბოძა ყმა-მამულები. თეიმურაზ ბაგრატიონის „ახალ ისტორიაში“ ნათქვამია: „ხოლო დედაკაცმან ამან მოიკრიბნა თავადნი და იხმო ორდანოდ რაფაელ არაგვის ერისთავი შთამომავლობითგან და იოანე ჯორჯაძე“. ჯორჯაძე დავითი — 1832 წლის შეთქმულების მონაწილე. 1615 წლის კახეთის აჯანყებაში მონაწილეობდა და მისი ერთ-ერთი მეთაური იყო ნოდარ ჯორჯაძე.
